O PASEO DOS ÉRBEDOS
Quero felicitar á nosa Universidade polo precioso paseo dos érbedos que fixo no Campus Sur.
Xusto detrás da Residencia Monte da Condesa (lado oeste) hai un paseíño que da gloria disfruta-lo sobre todo nestes pasados días, que tivemos o “verán de San Martiño”...
En pouco máis de 40 metros situaron a cada lado do camiño unha combinación perfecta de érbedos e teixos (alternándose).
Tanto o “arbutus unedo”(o famoso madroño do escudo madrileño) como o “taxus baccata v.fastigiata” (teixo irlandés) son de folla perenne, polo que as 16 parellas alí situadas están sempre mostrando as súas dúas diferentes cores verdes.
¡Un magnífico contraste!
Pero o chegar esta época, o érbedo cárgase de morodos totalmente encarnados, xa maduriños, listos para comer, ou para facer licor, marmeladas...
É unha fermosura contemplar agora o froito das flores do ano pasado e, no mesmo exemplar, ve-las flores que darán froito o ano que vén....!.Poucas árbores teñen esta característica tan excepcional!.
Así que coa felicitación a Universidade, a miña recomendación ós veciños e residentes de que disfruten deste Paseo dos Érbedos. ¡Paga a pena!
Antón da Sobreira
Novembro 2003
Santiago
0 comentarios