Enguedellar -XI Eucaliptus
Eucaliptus
Eu nunca falarei mal do eucalipto.
( en realidade , xamais falarei mal de ningunha árbore ; para min , tódalas especies arbóreas son positivas e valiosas.
Outra cousa é actuación dos humanos , que sí pode ser perigosa, nefasta , neglixente , negativa , avariciosa...).
.....
O eucalipto cáusame tres sensacións - que tratarei de resumir cronoloxicamente - : fascinación , asombro, emoción.
. Fascinación
Fascíname a historia da súa chegada e implantación neste país.
Pensade : un frade galego, Frei Rosendo Salvado – que facía nas antípodas ? -, abraiado diante dalgún exemplar impoñente..
Colle sementes, algunha macetiña ( como serían ? ) , retornando a Galicia - imaxinade unha travesía desde Australia :.meses e meses no mar, ata chegar a un porto galego ...!-
A difusión, a divulgación entre as élites, os ricos e os ilustrados...
( Lembrade estamos na década que vai de 1860 a 1870 )
E convénceos a todos !
A maioría das árbores alóctonas foron aceptadas polo seu exotismo e beleza ornamental.
( Que impacto poideron causar , nos pazos galegos , para seren acollidos tan fervorosamente ! )
. Asombro :
Admírome da estética que ten , tan singular...
A beleza que transmiten follas tan peculiares; esa cor grisalla, esa elegancia esbelta, ese porte altísimo...
¿como cuantificar, ou valorar , o inxente esforzo que supón subir a seiva a 70 -setenta ! - metros de altura , como é o caso do senlleiro avó de Chavín..?
. Emoción :
Conmóveme pensar en centos de familias, milleiros de persoas, que melloraron a súa vida grazas a madeira de eucalipto.
Plantar eucaliptus globulus , co seu crecemento rápido, foi a panacea dos nosos lugares e aldeas : milleiros de ferrados de monte, con moito tino, foron sementados de eucaliptos. Nesa madeira estaba o futuro cercano !...
E ademáis, está ese cheiro caracteristico das polas e follas fervidas, sanador de tantas gripes e bronquites !
...
En fin, se vos apetece profundar no coñecemento desta exótica árbore, recoméndovos unha pequena viaxe polo noso pais:
Cambados ( eucaliptos de Rubians )
Vigo ( eucaliptos de Castrelos )
Santiago ( eucaliptos da Alameda )
Bergondo ( eucaliptos de Mariñán )
Viveiro ( eucaliptos de Chavín – A Retorta )
....
Hai mais...
Chegaredes a eles, despois de facer estes.
Seguro...
Vésperas de san Pedro , no 2011.
0 comentarios